FRIDERICUS cogn. Religiosus

FRIDERICUS cognom. Religiosus

fil. minor natu Bernhardi praefati, ex Margaretha Saxo-Angrivaria, frater Ottonis, qui sine prole obiit A. C. 1445. cum fratre Hachemolam arcem Com. Spiegelbergii, ob praedandi licentiam, expugnavit, A. C. 1434. Cum dein Monasteriensibus, adversus Archiep. Coloniensem opem ferret, ab hoc captus et Coloniam deductus est A. C. 1454. Reversus Cellis Caenobium Franciscanorum exstruxit, illudqueve ingressus, filiis, quos ad pietatem, iustitiam et humanitatem, hortatus erat, regimen tradidit: sed eorum morte praematurâ ad clavum retractus, septennio adhuc ditionibus praefuit, exstinctus A. C. 1478. Ex Magdalena Brandeburgica, ducta A. C. 1430. stemma propagavit: genitis Margaretâ, Ulrici Ducis Megapolitani in Stargard postea uxore, Bernardo et Ottone: qui cum ambo ante Patrem, uti dictum, decessislent, hic tamen, ex Anna filia Ioh. Com. Nasloviae, lineae Dilleburgicae, reliquit filium Henricum cognom. Iuniore, vel Medium: in cuius posteris quoqueve Fridericus fuit, Ernesti Ducis fil. praelio Sivershusano exstinctus A. C. 1532. frater Henrici, qui Dannebergiam lineam, et Vilhelmi, qui Cellensem, orsi sunt. Item, unus ex Vilhelmi modo dicti filiis, Praepositus Bremensis, qui post fratrem Augustum Principatum Grubenhagium cum Cellensi administravit; obiit A. C. 1648. Ita enim inter fratres, quorum 7. erant, convenerat, ut uno solum, qui Georgius erat, uxorem ducente, reliqui caelibem degerent vitam, et regimini per vices praeessent.